Oiko’vaekwe nhande ypykwera apytepe peteî mitarusu jeroviaha, ikara’ypaiteva ha ojehayhuetemivai tavape. Onhemboki peteî mitãkunhai porãeterei vare. Resaite ojohayhure oikohikwai onhondive kukõingweicha. Pe kunhataî hi’ava sa’yju pitãngy apesŷiasy ha mitãkunha’ive pyraka’e hi’ava morotîete voi. Upévare oje’echupe “Avati(Avaxi)”, peichantevoi ojekwaa opa rupi, ogwerekorõ jepe hera tee. Arateîmi, katwetei ohojepi ogwata okahare onhondive. Ha peteî jey, iporãetereive javé hina pe mitãkunha tembirekorã , oho hikwai heta kwimba’e ha kunha apytepe oha’ãvo kwimba’e kwera mávapa oiporukwaave kyta’akwera. Upe árape ohechaikwaa va’erã maymáva yvyrapã ha hu’y jeporu. Nhande ypykwera apytepe ojejapova vointe ã mba’e ikatu hağwàicha onhembokatupyry kwimba’e kwerape, imitã’igwive , kyta’a kwera jeporupe.

Oîmbahágwi hikwai vy’a ha torýpe umi kunhagwera onhondivepa, peteî hu’y kanhyngwe, ndojekwaai mba’eichapa ha mamógwipa, ou ojekutu Avatipe pyti’aitére voi. Ho’a upépe ovayvávo ha ou pekaria’y imenarã, tuicha remondýi reheve, hasýpe ohekýi chugwui pe hu’y. Oipohãnomo’ã ha ohechaikwaa hikwai reítamaha. Sapy’aiterõ gwarã omanóma katu hembiayhu ijyva Ari. Hetaiterei maymáva ombyasy pe mitã kunha porãite kyrŷi gwasu omano reitévape. Oiko nhembo’e purahéi onhenhotỹ hağwa Avati retekwe. Imenarãgwemo’ã ndohejasevéi pe ityvymi , hasẽ upépe ara pukukwe aja pytũ meve ha upéi ko’ẽ sakã sakã rupi ou jeý maomoirũ ichupe.

Ombyasyeterei je ha mytuẽ’ŷre voi o jahe’o upepe hi’ari. Omohe’õmba hesaýpe yvy ijerére. Heta ára rire, henhói sapy’a pe tyvy ári ha okakwaa pya’e voi peteî ka’avo po’i hogwe puku puku ha hovyũ asýva. Umi hogwe osẽva ojo’ari pe akã peteîre ndaje ojogwaieterei umi sái Avati oimpurumi va’ekwepe. Ha’e ndaje tapiaite omondéva sái jo’a, há upévare pe karia’y ohayhu ha ohecharamõ pe ka’avo rakã.

Okakwaa pya’e voi ha vokoite hi’ama katu. Oheja okakwaave ha ohecharamõ hi’a apýrare inimbo vera áva jogwahaite, oipo’o peteî. Oipire’o ha ojuhu ko mba’e neporãmbajepeva; yva kyrŷi asy ojejaho’iva áva sa’yju pytãngýpe, Avati ogwerekohagweichaite. Ha’e omanorõje opukavy miraka’e ohechauka potavo vaicha nhemimi umi hãi morotî joja asy.

Umiva rehe omomandu’a pe karia’ýpe yva porãite ha’ŷi joja asýva avei ipire gwipe. Onhangareko hese. Hi’apa ha ombopiru ha’ŷngwe ha onhotŷ hetavéma oparupirei, ha ipahápe ojeporuma ha’ŷngwe opiachagwa tembiu’rã. Ojogwaiterei.

Hembirekorãgwe mo’ãme , ombohera “Avati/Avaxi” (upei opyta Avatipe) Ko yvaporãite isarambíva nhande kogatýre, henhói rei ha hi’a pya’eva, ha jaiporuva ko’ãngaite peve, hi’aju ha hi’aju’ŷre. Opaichagwa tembi’u heva jajapo hağwa.

Assinale a alternativa correta quanto ao gênero textual proposto.