Kainha’a’ ba’aytayz ba’inhaytan ipei kamuu, mazan aunaa izuiayzun wynyi suu iba’iayan wynyi. Baydap kamuu iba’ayta’anan ikumpadin kian: - Kumpad puba’inhaytankan nii aizii, kumpad daku’utin:

- Uu, ipei kamuu aruapkary.

Idayna’ana ba’iatayz makupan, ikawan kanuku ii, ikudpakan tynarynau sud tym, aunaa iaychapan wyryy tynarynau sud yryy wynyi zuayna.

Sariap tynarynau sud tanautinhan ikian ii at: - Aizii aunaa nii puba’iaytan pyda’an pan nii ungary.

Na’ap tynarynau sud na’akan ba’iaytayz padap it, ikawan na’i kainha’a’u kabayn idary’u, irib wynyi ba’iay kariwei kii.

Sariap tynarynau sud pixan yryy: - Pytykap ipei wyryy wynyinhau ba’iaykariwei?

Ba’iaytayz daku’utin:

- Uu.

Tynarynau sud kian:

- Pygary kabixu dauraz ipei wynyinhau, aizii pykasaran nii ipei baydap baydap kii.

Sariap ba’iaytaz sakadinhan pakasarapan, mazan aunaa ipeian pakasaran wynyinhau, ikidupan na’ik, mazan kanuku zuaynaa diydan izamatau kuxan.

Kanuku zuaynaa zamatan ba’iaytaz ipei wynyinhau pataka’ytkau, ikian:

- Ipei kamuu aruapkary, ipei kamuu aruapkary.

Deura’a yryy ba’iaytaz kywaa ipataka’ytpayzun wynyinhau. Sariap kanuku zuaynaa pataka’yan ba’iaytaz.

Ba’iaytayz kidupan na’ik izamatakau kanam zumata’u yryy?