Maxa'apainhau wizei marimari diaa. Inkaidinhan kayzkawan at ipei wyn dun . Kaikpau dunuzuinhau dubatkidian paichakinii kii pariben nau at uu paidainhau at. Kamuudun kaimenau manawyn tiwepkary dai kubawypkary naik kapam zauwadkari akai kii dai kanuku san kii pa at. Kamuu dun kaimen manawyn diri'iu waikinii kii ,yrry dun dai kaydinkizei kii mauzakdinhan uu kadimenkau ,pidian nau kapam durutam wizei kaimenau pa tum kinha nii pa zakapyn ,naik kapam dai in su'utan diywyz , pukurid anab kii pa xibetkinha nii pa dap kii . Pa zakapyn ik in su'utan nii mazik,kuwas , kanyz pa tumkinha nii u'i ,parakary naik badi kapam .in su'utu kapam kazyy patumkinhanii kazyaa kapam . Ipei wyryy in tuman pa tyrydkinha nii wyn mabuzkau kaukinhaa iaii . Wyndun naa ipei amazad paidian ,wauz ,duruduruwau ,karixi kii . Pidian nau dai kaidinhan panadun kii ,pa zakapyn day. Kiwiniu wyn kawan inpewan pa zakapyn painhau . Naik kaimenau kapam tumkary aimekan kii kunaynam kidiau kapam naik pa kaydinkinhaa nii kapam . Daunaiuranau intuman nii manary ,dupawai ,awaribei naik dazuwan; zyn nau intuman kapam kunaynam kidiau kaxuru kii ,tainii kunaynam kinhaa ,kuwamai, didimei naik zamak kinharid idiu tumkau. Wyrry dunuu kapam inkinitinhan ,kanaypan tukuri ,parichary day. Kaikipau dai marimari san nau maxa'apan.

KAYDINKIZEI

Mixiu wyn dun pidian nau maxa'apainhau marimari diaa kandii intum?