Esenpo’pî kopai yopon po, arenta’pî iko’mankoi urî sîrîrî tîpoose, uko’manto’ awaanî wei tîpîi po mîrîrî paata morî moropai ema’non, upaata uko’manto’ uweni’pîto’ paata innî’panpî morîîpe iku’touya,tatau sinpai iko’mankoi urî.

Miyarî awanî 95 kaisîrî paapa’pokon inkamoro awanî Makusi yamî’pe, Inkarîko’ moropai Akawaio yamî'pe, umîîpî’ to’ esenkama, penaronkon warantî, umî yaika toya, ipo’tî toya moropai ikuima toya, miyaarî ipîîmî toya feijão (kun), risi, sa’, anai’ moropai kîsee. Moropai ikore’tapî’ ma’pîya, kaima, karisa, pimi. Kîse ke u’wi taimosen, kei, kîse katanî’sa’ (karimã) paracari moropai imu moropai kîta, tu’ke innî’ panpî’.

Miyaarî pataako’ yamî eerepato’ mororon tamînawîrî to’nikoneka awanî miyaarî, tiyaron kon pemonkon yamî iipî yennoi miyarî’ta. Miyarî pataako’ pataaya pemonkon e’pripanto’ pataase’ mororon 7 kaisoronkon tesenka’masanon, moropai yenupanto’ yewî’ mororon moreyamî esenupato’ 153 kaisarî teesenupasanon awaanî. 24 kaisarî yenupanan awaanî, mîrîrî wîîtî yenupanto’ yewî’ awanî yamîsa’pe moro tiko’mansenon winîpai, tîîse tiyaronkon pemonkon yamî’ tiyaron pata tiko’mansenon iipî eseenupai, mîrîrî wîîtî – kareta yewî’, yenupanen yepotorî pata’se’, yenupanan epîîre’to’ pata’se moropai 7 kaisarî more yamî yenupato pataase’.

Pataako’ yamî’ esenkamato’ seuwîrantî:

Manananto’moropai mayu awanî ikonekapî’to’ teeseurîmai tamînawîronkon pokonpe, teeserukon komannî’to’ toya, serenkanto’, manananto’, ya’re’wanî, mîrîrî warantî ko’mannîto’ kapoi yaponpo morîpe tatausinpai.

Î’ mîrîrî to’ nipîîmî ipîîkupe panpî kapoi yaponpo